(Èl-Gueuye-Noere – 2inme) 05/09/2020
"Sire, èl Beldijke ni vike nén." ; "Sire, vos ruloz so deus peupes. I gn' a el Beldjike des Walons eyet des Flaminds, i gn' a pont di Beldjes.". Vocial ci ki Jules Destrée scrijha å rwè Bert I, e 1912. L' union etur les liberås walons eyet les catolikes flaminds esteut finêye dispoy on n' sait pus bén lon. Les Walons ont torné a gåtche viè l' socialisse, cwand les Flaminds ont torné a droete viè l' conservatisse. Tertos estans vijhéns, mins nos n' kinoxhans nén. Li Flande eyet l' Walonreye sont deus diferintes nåcions ; Brussele est on coron-Estat å cour uropeyin eyet l' kiminålté tîxhon-cåzante n' est seulmint k' el pårtêye del Walonreye prusyinne wice les djins djåznut almand.
"Eshonne, on est foirt.". Vocial nosse divize nåcionåle, dit-st-i. Cisse fraze aveut stî uzêye pindant l' Beldje revintaedje conte li Neyerlande. Cisse fraze n' a pus pont d' sinse asteure, ecsepté sol tins des tchampionats d' spôrts, sortoit les cis do fotbale. I fåt ricnoxhe ki Roberto Martínez Montoliu, li selecsioneu des Rodjes Diåles, resse pus rashonneu k' el rwè Flipe. Ç' est seur k' si on Rodje Diåle esteut èn askepieu d' govienmint, ci dierin sreut d'dja fôrmé. Sol tins des tchampionats d' fotbale, Liesbeth Homans, mimbe del N-VA, ni rwaite nén l' drapea bedje come ene loke.
Li nåcionålisse bedje, ké bele asblawete ! Les pårtis nåcionålisses bedjes d' foite droete, spéciålmint walons, fijhnut berwete pask' is croeynut a åk ki n' egziste nén. Voeyoz vos des Flaminds sopoirtant li Mouvement NATION ? Nenni, les Flaminds d' foite droete volnut l' dislaxhaedje flamind eyet votnut pol Vlaams Belang. Asteme, paski ç' dierin a askepyî on pårtimarionet pol Walonreye ki si lome : Nos gens d' abord. Is såynut d' cougnî ås Walons k' is sont avou zelzôtes, brånmint d' Walons tchaiynut dins l' cepe. Li Vlaams Belang, pårti pus k' ene mitan walofobe foirt djondant åzès ideyolodjeyes noû-recsisses, voet evi tertos åré les "Bons Flaminds, bén di droete, catolike ultramontén, nén-pôve eyet bouteus disk' al moirt.".
Li sistinme politike bedje est on veritåve assonre. D' on costé, nos avans ene modêye feyodale forcrexhou ewou l' rwè n' est k' ene figueure simbolike. Di l' ôte costé, nos avans pus d' minisses ki di dmorants : nouv minisses del Santé, ké-n afwaire pindant l' minêye då Macrov-19 ! Est ç' k' el Estat a core todi les plinnes competinces ? Troes redjons yeyet troes kiminåltés ; les onks ont des competinces economikes, les ôtes des competinces culturels. Si l' Flande a s' prôpe kiminålté eyet s' prôpe redjon, li Walonreye n'a k' ene redjon. Li Walonreye (sins li Walonreye prusyinne tîxhon-cåzante, k' on lome oficirmint kiminålté tîxhon-cåzante di Beldjike) est dins l' Federåcion Walonreye-Brussele, ossu lomé oficirmint, insi ki foirt flotchreçmint, Kiminålté francesse di Beldjike. Awureuzmint, k' cisse kiminålté francesse est bedje oudonbén dj' åreu d'noncî ene walofobeye esplicite, veyånmint k' les Walons n' sont nén francès. D'dja, k' el France a mwintès coloneyes dins s' aslete ey avou ses DOM-TOMs.
- Ruloz => Rule : Régnez => Régner
- Coron-Estat : Cité-État
- Pårtimarionet : Parti fantoche
- Ultramontén : Ultramontain
- Feyodale : Féodale
- Esplicite : Explicite