Da Schnee fliagt am ins rote Gfries.
Sag, was is'n des für Gschiss?
Die Augn bring i gar nimma auf.
Ob i des heit, glaubst, nu daschnauf?

Kilometer geht's nu bergauf,
i glaub, dass i im Schnee dasauf.
Bring an Haxn ned in'd Heh',
Gott, wie i den hass, den Schnee.

Soll an Schlittn aufizahn
über eana Schifoahbahn.
A meterdicke Jackenschicht
Der Horizont is ned in Sicht.

Jetzt steh i endlich an der Spitzn –
Jetzt ko i endlich obaflitzn!
Oamoi gib i wirklich Gas.
Dann is a wieder goa, da Spaß.

Der Schlittn bleibt steh
mi schmeißt's in'd Heh',
i land mim Bauch direkt am Eis,
Schlittnfoahn, des is a Scheiß. 

Kommentare

beta
Feenstaub

Navigation

Sprachen

Social Media