Die bös häx

Es ish emal e bösi Häx namens Warz gsie wo tüüf im dunklä verzauberätä  Häxewald gläbt hät. 
Verzaubärät ish au s ganze land  gsie, miteme Fluech wo all lüüt i däm Land ganz truurig hät werde laa und verhindärät het das sie je wieder glücklich werdet.
Die hübsh Prinzässin vo däm Land ish sho ganz verzwifflet gsie wie gärn würd sie wieder lache und fröhlich sii. 
Drum hät sie d Botschaft au i anderi länder verchünde lah, das sie dä Prinz hüratet wo s lache wieder i ihres Land bringt.
Vieli Prinzä händ versuecht s lache wieder is land zbringe, doch sie sind gshiteret a dä böse Kreauture wo im Wald vo dä häx läbet
Doch ein Prinz, so muetig und entschlossä wie kein anderä hät sich uf dä langi und beschwärlichi Weg zu dä Häx gmacht.
Muetig kämpft er gegä Drachä und verzaubereti Fledermüs wo hoch über sin Kopf raget.
Er lauft durchs gstrüpp wo so hoch ish und so dicht, das er fast kein Weg durä gfundä het. 
Aber ebe nur fast.
Wo dä Prinz s hüüsli im tüüfe Wald erreicht rüeft er:" Chum use Warz wänn dich traush!"
Ganz hässig stürmt die bös Häx us ihrem Huus, ihre Raab sitzt uf dö Schultärä.
"Wer wagst d rueh z störe?"rüeft die bös Häx.
"Ich."seit dä Prinz muetig.
Wo d Häx dä Prinz gseht zieht die bös Häx ihre Zauberstab us ihrem langä Gwand.
"Das wirsh du bereue."seit die bös Häx und seit en böse Fluech, doch dä Prinz hät demit grächnet.
Er zieht en Spiegel us sim Pullover und dä Fluech prahlt ab.
D Häx schreit luut und miteme luute Knall verschwindet sie.
Dä Wald wird wieder grüen und so wie er vor langä Ziit gsie ish.
Dä Prinz riitet zrugg und wo er bim Schloss achunt wird er miteme strahlende lache in enpfang gno.
Dä Prinz und d Prinzässin hüratet und lebät glücklich uf ihrem Schloss.
Und wänn sie nöd gstorbe sind dänn lebät sie no hüt.                                                    

Comments

beta
Fairy Dust

Navigation

Languages

Social Media