(Èl-Gueuye-Noere – 4inme) 24/09/2020
"Skide eyet Soçons", c' est l' ratournaedje e walon d' on no då mouvmint idintitaire flamind wice k' el prezidint est foirt djondant då pårti d' ecstreme droete eyet dislaxheu flamind avou on liyon sol logo. Li no d' èç pårti politike la est, literålmint e walon : l' Impôrtance Flaminde. Istorikmint, "Skide eyet Soçons", c' esta on dmandaedje pindant l' batreye des sporons d' ôr, etur li Flande eyet li France, e 1302. Nos bijhreces vijhéns estît, e fwait, les waslets d' nos nonnreces vijhéns. Les cis ki rpondént "Nenni !" a cisse dmandaedje estént axhorés. Ces djins rola estént cåzumint tos francès. Li Flande a wangnî conte li France eyet s' aveut dislaxhî d' èç dierinne. C' est po çoula, k' el fiesse del Flande est li 13 di djulete, c' est a cåze di cisse batreye la.
Enute, "Skide eyet Soçons", c' est on mouvmint idintitaire flamind askepyî e 2017 pa èn ancyin studiant d' Gant. Li mouvmint est foirt kinoxhou e Flande po ses polemikes eyet ès zenofobeye, insi k' ene certinne hinne conte les gåtchisses, minme si mwint d' ces gåtchisses sont flaminds. Li VRT (Radio eyet televuzion del kiminålté neyerlandès-cåzante) a reyalijhî on rpoirtaedje so ç' mouvmint cial. C' est a cåze di çoula, k' li prezidint ey askepieu d' Skide eyet Soçons a stî tchessî evoye di l' Univiersité d' Gant på recteur, e 2018.
Tertos savans k' on skide, ça riprezinte el disfinse, l' ahouwa u core el hinantreye d' ene nåcion. Li skide då bleu drapea avou on "s", on "&" ey on "v" est, nouv côp so dijh, uzé come ene åre ideyolodjike conte les cis ki n' voeynut nén l' Daegne come zelzôtes. Do côp, si vos freyîz avou des mimbes d' èç mouvmint, i fåt houwer d' esse : walon ; arabe ; noer ; muzulman ; gay ; gåtchisse, inte di zels, sociålisse eyet comunisse ; ecolodjisse ; centrisse ; liberå ; pôve et tchik et tchak. Ki pout acertiner sins nole honte ki cisse organizåcion ci est sopoirtante, veypus avineye ? Taiss k' åy k' leus mimbes li polnut åjheymint. Mins nerén, is sont bén les seus a l' povwer fé. Vos n' estoz nén oblidjî d' mi croere, mins vos ploz tolminme verifyî avou l' waiboutike so ès oficir waibe, udomoens si vos savoz lére li neyerlandès. Po vo dnez ene pitite idêye, i gn a so cisse waiboutike la des plake-tot-seus ki rimetnut les gåtchisses ås rats. Dji vs pou acertiner k' les rats sont ossu mwaijhmint veyou do costé Walon ki do costé Flamind.
Les mouvmints idintitaires sont foirt måhaiti, virpus nocif po nosse samenlevigne do tos costés del Beldjike. Dj' a pårmint må m' cour po nos binamés Flaminds ki vont vir leu nåcion dicwelixher si djamåy des mouvmints eyet des pårtis politikes come çoula viennut å govienmint d' cisse cogne del Daegne. Li pé, c' est ki sacwants mimbes branscatnut a hêchî des mintreyes, co pé des edvincions. Cwand is s' agrancixhnut, is voeynut voltî d' ké li drapea avou li liyon dislaxheu eyet daler li planter dans on pitit tchimwin, nén foirt frecanté, rshonnant a on RAVeL åtou di Troes-Ponts.
- Skide : Bouclier
- Hinantreye : Souveraineté
- Veypus ; virpus : Voire.
- Waiboutike : Boutique en ligne ; e-shop (anglicisme)
- Mwaijhmint : Mal
- Nocif : Nocif (ce mot ne semble pas existé en wallon)
- Samenlevigne : Vivre ensemble (du néerlandais : samenleving)
- Dicwelixher : Se dégrader